"Ньюкасл" бош мураббийи Эдди Хау жамоасининг "Челси"га қарши Лига Кубогидаги мағлубияти ҳақида фикр билдирди.
"Бу жуда оғриқли. "ПСЖ" билан ўйиндан кейин ҳам худди шундай ҳис-туйғуларни бошдан кечиргандим. Йигитлар жуда кўп ҳаракат қилишди, катта вақт давомида ҳисобда олдинда эдик.
Балки иккинчи бўлимда техник жиҳатдан унчалик яхши бўлмагандирмиз. Танаффусгача гол урдик ва ҳужумда хавфли эдик. Иккинчи бўлимда жамоа олдинда ўз устунлигини йўқотди, аммо яхши ҳимояланди.
Ҳакам Мойсес Кайседони ўйин бошида четлатиш керакмиди? "Мен ҳам бошқалар каби фикрдаман - бу қизил карточка", - дея "Ньюкасл" бош мураббийи сўзларини келтиради BBC.