"Milan" yanvar oyida "Shtutgart" hujumchisi Seru Girassini sotib olishdan bosh tortishi mumkin.

"Rossoneri"lar Angliya premyer-ligasi vakillari bilan birga 27 yoshli forvardga asosiy da’vogarlardan biri sifatida ko‘rildi.

Sky Sports xabariga ko‘ra, shu hafta muzokaralarning yangi bosqichi bo‘lib o‘tadi, ammo "Milan" qishki transfer oynasida Girassini qo‘lga kiritish maqsadga muvofiqligiga ishonchi komil emas - balki kelishuv yozgacha qoldirilgandir.

Asosiy sabablardan biri - futbolchining Afrika kubogiga tez orada ketishi. A Seriyaning qatorasiga uchta o‘yinida gol urgan Luka Yovichning ajoyib formasi ham o‘z ta’sirini o‘tkazishi mumkin.

Seru Girassi joriy Bundesligada 14 uchrashuvda 17 ta gol urdi. Gvineyalik futbolchining shartnomasidagi tovon puli 17,5 million yevroni tashkil qiladi.