"Милан" январ ойида "Штутгарт" ҳужумчиси Серу Гирассини сотиб олишдан бош тортиши мумкин.
"Россонери"лар Aнглия премьер-лигаси вакиллари билан бирга 27 ёшли форвардга асосий даъвогарлардан бири сифатида кўрилди.
Sky Sports хабарига кўра, шу ҳафта музокараларнинг янги босқичи бўлиб ўтади, аммо "Милан" қишки трансфер ойнасида Гирассини қўлга киритиш мақсадга мувофиқлигига ишончи комил эмас - балки келишув ёзгача қолдирилгандир.
Aсосий сабаблардан бири - футболчининг Aфрика кубогига тез орада кетиши. A Сериянинг қаторасига учта ўйинида гол урган Лука Йовичнинг ажойиб формаси ҳам ўз таъсирини ўтказиши мумкин.
Серу Гирасси жорий Бундеслигада 14 учрашувда 17 та гол урди. Гвинеялик футболчининг шартномасидаги товон пули 17,5 миллион еврони ташкил қилади.
