"PSJ" bosh murabbiyi Luis Enrike qishki transfer oynasida himoya chizig‘ini kuchaytirishga umid qilmoqda.

Yaqinda fransuz OAV bahordan beri maydonga tushmagan chap qanot himoyachisi Nunu Mendeshning yaqin orada safga qaytishi haqida xabar berishdi.

Biroq, Le Parisien xabariga ko‘ra, parijliklar murabbiyi yanvarda ham himoya qanotlarini yangilashni kutmoqda: manbaga ko‘ra, ispaniyalik murabbiy o‘z jamoasida himoyaning chap va o‘ng tomonini qoplay oladigan universal futbolchini ko‘rmoqchi. 

"PSJ" Liga 1 turnir jadvalida 17-turdan so‘ng peshqadamlik qilmoqda va ikkinchi o‘rindagi «Nissa»dan 5 ochko oldinda.

3 yanvar kuni poytaxt grandlari Fransiya Superkubogi uchun “Tuluza”ga qarshi maydonga tushadi.