"ПСЖ" бош мураббийи Луис Энрике қишки трансфер ойнасида ҳимоя чизиғини кучайтиришга умид қилмоқда.
Яқинда француз ОAВ баҳордан бери майдонга тушмаган чап қанот ҳимоячиси Нуну Мендешнинг яқин орада сафга қайтиши ҳақида хабар беришди.
Бироқ, Le Parisien хабарига кўра, парижликлар мураббийи январда ҳам ҳимоя қанотларини янгилашни кутмоқда: манбага кўра, испаниялик мураббий ўз жамоасида ҳимоянинг чап ва ўнг томонини қоплай оладиган универсал футболчини кўрмоқчи.
"ПСЖ" Лига 1 турнир жадвалида 17-турдан сўнг пешқадамлик қилмоқда ва иккинчи ўриндаги «Ницца»дан 5 очко олдинда.
3 январь куни пойтахт грандлари Франция Суперкубоги учун “Тулуза”га қарши майдонга тушади.
