"Chelsi" yarim himoyachisi va vise-sardori Konor Gallaxer qishki transfer oynasida London jamoasini tark etishi mumkin. Bu haqda jurnalist Ben Jeykobs xabar berdi.

Manbaga ko‘ra, "Tottenxem" angliyalik yarim himoyachini qo‘lga kiritish uchun asosiy da’vogar bo‘lib qolmoqda. Qayd etilishicha, "Chelsi" 23 yoshli futbolchini 50-55 million yevroga baholamoqda.

Joriy mavsumda yarim himoyachi "aristokratlar" safida barcha turnirlarda 22 ta o‘yin o‘tkazib, 4 ta golli uzatmani amalga oshirdi. Futbolchining London klubi bilan shartnomasi 2025 yilning iyun oyi oxirigacha amal qiladi.