Angliya terma jamoasining sobiq hujumchisi Garri Lineker "Chelsi" yarim himoyachisi Mixail Mudrikning o‘yinini baholadi.

"Biz "Chelsi"ning transferlari haqida gapirgan edik, lekin Mudrikda nimadir ko‘rmoqdaman. Menimcha, unda nimadir bor. U gol urdi, hozir uchta gol urdi, u tezkor", - dedi Lineker The Rest Is Football bilan suhbatda.

"Mudrik nimadir ko‘rsatmoqda va u 100 million funt sterlingga xarid qilingani uchun ko‘rsatishi kerak, ammo bu uning aybi emas", - deya qo‘shimcha qildi Garri Lineker.

Eslatib o‘tamiz, "Kristal Pelas"ga qarshi o‘yinda Mixail gol urdi, biroq o‘yin oxirida raqib himoyachisi Nataniel Klaynning zarbasidan so‘ng olingan jarohat tufayli maydonni tark etishga majbur bo‘ldi. Uning o‘rniga 71-daqiqada Armando Broya maydonga tushdi.

Keyinchalik jarohat jiddiy emasligi va futbolchi 30 dekabr kuni bo‘lib o‘tadigan "Luton"ga qarshi navbatdagi o‘yinda jamoasiga yordam bera olishi malum bo‘ldi.

Joriy mavsumda Mixail Mudrik 19 ta o‘yinda maydonga tushib, 4 soat gol urdi va 1 ta golli uzatmani amalga oshirdi.

"Chelsi" 25 ochko bilan APLda 10-o‘rinda bormoqda.