"PSJ" darvozaboni Keylor Navas "Real"ga o‘tishga tayyor edi.
O‘tgan yozda "Qirollik klubi" 2024 yilning bahorigacha jarohat sabab safdan chiqqan Tibo Kurtua o‘rniga yangi darvozabon qidirayotgan edi. "Marca" xabariga ko‘ra, Navas "Real Madrid"ga qaytishni xohlagan va hatto "Los Blankos"ga o‘z xizmatlarini taklif qilgan, ammo rad javobi berilgan. Eslatib o‘tamiz, Madrid grandi "Chelsi"dan Kepa Arrisabalaga ijaraga olgandi.
Keylor Navas 2014 yildan 2019 yilgacha "Real Madrid" safida to‘p tepgan va jamoa bilan uch marta Chempionlar ligasida g‘olib chiqqan. Joriy mavsumda 37 yoshli kosta-rikalik futbolchi “PSJ” safida birorta ham o‘yin o‘tkazmadi.













