Futbol agenti Armand Durne Rossiya klublari Serdar Azmunga qiziqish bildirmaganini aytdi.
“Serdar Rimda yaxshi o‘ynayapti, lekin, albatta, biroz ko‘proq o‘yin amaliyoti hech qachon zarar qilmaydi. Ayni damda Rossiyadan Azmunga nisbatan aniq qiziqish borligidan xabarimiz yo‘q. Hech bo‘lmaganda, bu haqda bizga ma’lumot hali yetib kelmagan. Shunga qaramay, Rossiya klublari Serdarni unutishmaydi, deb o‘ylayman”, - dedi agent.
Joriy mavsumda Azmun “Roma” safida 13ta o‘yinda maydonga tushib, 1ta gol urgan. "Transfermarkt" portali 28 yoshli eronlik futbolchini 10 million yevroga baholamoqda.
