"Monako" vingeri Jelson Martinsh tez orada "Olimpiakos" futbolchisiga aylanadi, deya xabar beradi insayder Fabrisio Romano.

Gresiya klubi allaqachon portugaliyalik bilan shartnoma borasida kelishib olgan. U 2026 yil iyunigacha amal qiladi.

Bugun, 1 yanvar kuni futbolchi tibbiy ko‘rikdan o‘tish uchun Gresiyaga borishi kerak.

Transfer summasi oshkor etilmagan, ammo ma’lum bo‘lishicha, “Monako” futbolchining keyingi sotuvining 10 foizini oladi.

Jelson Martinsh 2019 yilning yozida “Atletiko”dan 30 million yevro evaziga transfer qilinganidan so‘ng “Monako” futbolchisiga aylandi. U bu mavsumda klub safida birorta ham o‘yin o‘tkazmagan.