Hujumkor yarim himoyachi Jessi Lingard Angliya Premyer-ligasi klubiga o‘tishi mumkin.

Talk Sport xabariga ko‘ra, 31 yoshli futbolchiga "Everton" qiziqish bildirmoqda.

Lingardni tekinga qo‘lga kiritish mumkin, chunki u "Nottingem Forest"ni tark etganidan keyin yozdan beri erkin agent.

Lingard asosan "Manchester Yunayted"dagi o‘yinlari bilan tanilgan.

Eslatib o‘tamiz, Lingard yaqinda “Al-Ittifoq”da asosiy variant sifatida ko‘rilayotgan edi, biroq Saudiya klubi futbolchi bilan shartnoma imzolamaslikka qaror qildi.

Umuman olganda, Jessi Lingard Premyer-ligada 182 ta o‘yinda maydonga tushib, o‘yinlarda 29 ta gol urdi va jamoadoshlariga 17 ta golli uzatma berdi.