Chorshanba kuni "Barselona" o‘z muxlislarini "Las-Palmas" ustidan 2:1 hisobidagi g‘alaba orqali xursand qildi.
O‘yindan so‘ng jurnalist Xelena Kondis Kataloniya jamoasi bosh murabbiyi Xaviga ushbu uchrashuvdagi taxminiy mag‘lubiyat haqida savol berdi.
Bu savol "ko‘k-anorranglilar" murabbiyiga yoqmadi.
"Agar biz peshqadamlardan 10 ochko ortda qolganimizda, bu qiyinroq bo‘lardi. Lekin siz doimo salbiy taxminlar qilasiz, bu kulgili...” dedi Xavi matbuot anjumanida kinoyali tabassum bilan – “Boshqa murabbiylar bilan gaplashayotganda siz hech qachon bunday taxminlarni qilmaysiz. Agar biz o‘yinda g‘alaba qozongan bo‘lsak, unda nima uchun bunday taxmin qilish kerak?
Bu menga bema’ni ko‘rinadi, shunday emasmi?" – deya Xavi jurnalistga yuzlandi.
“Biz amaldagi chempionmiz. Amaldagi chempionlarni hurmat qiling”, - deya qo‘shimcha qildi mutaxassis.
