Yarim himoyachi Yozua Kimmix "Bavariya"ni tark etishi mumkin.
To‘g‘ri, bu hozir sodir bo‘lmasligi mumkin, ammo yozda futbolchining myunxenliklar bilan amaldagi shartnomasi tugashiga bir yil qolganida buning ehtimoli ortadi.
Kimmix "Bavariya" haligacha u bilan mehnat shartnomasini uzaytirish bo‘yicha jiddiy muzokaralar o‘tkazmaganidan hayratda.
Transfer News Live bularning barchasi haqida jurnalist Florian Plettenbergga tayanib gapirib berdi.
"PSJ" Kimmixga qiziqish bildirmoqda. Shuningdek, Yevropa futbolining boshqa gigantlari ham 28 yoshli futbolchining holatini diqqat bilan kuzatib borishmoqda.
2023/2024 yilgi mavsumda Yozua Kimmix 20 ta o‘yinda 1 ta gol urdi va jamoadoshlariga 6 ta golli uzatmani amalga oshirdi.
