"Bornmut" ushbu transfer oynasida hujumchi Dominik Solankeni qo‘yib yubormaydi, deb xabar beradi The Telegraph.

Manbaga ko‘ra, “Nyukasl” “Bornmut”ga rasmiy so‘rov yuborgan, biroq rad javobi berilgan. Klub bu qishda Solankeni sotmoqchi emas. Dominik "Liverpul"dan kelganidan keyin 2019 yildan beri "Bornmut"da o‘ynamoqda.

Joriy mavsumda forvard “giloslar” safida barcha turnirlarda 20 ta o‘yin o‘tkazib, 14 ta gol va bitta golli uzatmani amalga oshirdi. Futbolchining amaldagi klubi bilan shartnomasi 2027 yilning iyun oyi oxirigacha amal qiladi.