"Nottingem Forest" yarim himoyachisi Orel Mangalya Turkiya chempionatida o‘ynash imkoniyatiga ega.
Insayder Florian Plettenbergning so‘zlariga ko‘ra, futbolchining transferiga Istanbulning “Galatasaroy” klubi qiziqish bildirmoqda.
Turklar allaqachon "o‘rmonchilar"ga taklif bilan chiqishgan.
Mangalyaning ingliz klubi bilan mehnat shartnomasi 2026 yilning o‘rtalarigacha amal qiladi. 25 yoshli belgiyalik futbolchining transfer qiymati 22 million yevroga baholanmoqda.
2023/2024 yilgi mavsumda yarim himoyachi 18 ta o‘yinda ishtirok etib, bitta gol urgan. U Belgiya terma jamoasi safida 12 ta o‘yin o‘tkazgan.
