"Ноттингем Форест" ярим ҳимоячиси Орел Мангаля Туркия чемпионатида ўйнаш имкониятига эга.
Инсайдер Флориан Плеттенбергнинг сўзларига кўра, футболчининг трансферига Истанбулнинг “Галатасарой” клуби қизиқиш билдирмоқда.
Турклар аллақачон "ўрмончилар"га таклиф билан чиқишган.
Мангалянинг инглиз клуби билан меҳнат шартномаси 2026 йилнинг ўрталаригача амал қилади. 25 ёшли белгиялик футболчининг трансфер қиймати 22 миллион еврога баҳоланмоқда.
2023/2024 йилги мавсумда ярим ҳимоячи 18 та ўйинда иштирок этиб, битта гол урган. У Белгия терма жамоаси сафида 12 та ўйин ўтказган.