«Реал Сосьедад» ҳужумчиси Микель Оярсабаль Мадриднинг «Атлетико» клуби трансфер нишонига айланди.
Diario Sport хабарига кўра, «матрасчилар» Испания терма жамоасининг 29 ёшли футболчиси бўйича аллақачон «ижобий» музокаралар ўтказган. Жаҳон чемпионати якунлангач, «Атлетико» ҳужумчи трансфери устида фаол ишни бошлаши кутилмоқда.
Микель Оярсабаль Диего Симеоне жамоасида «Барселона» даъвогарлик қилаётган Хулиан Альвареснинг ўрнини эгаллаши тахмин қилинмоқда. Аргентиналик футболчи ёзги трансферлар ойнасида жамоасини ўзгартириш истагини омма олдида маълум қилган эди.
Якшанба куни бўлиб ўтадиган ЖЧ-2026 финалида Оярсабаль сафида бўлган Испания терма жамоаси айнан Альварес ҳаракат қиладиган Аргентинага қарши майдонга тушади.
