"Real" va "Yuventus"da to‘p tepgan taniqli sobiq himoyachi Fabio Kannavaro "Napoli"ning Italiya chempionatining joriy mavsumidagi o‘yini haqida o‘z fikrlari bilan o‘rtoqlashdi.
"Hozir klubda qiyin vaziyat, Spalettining ketishi ish bermadi. Bundan tashqari, Kim va Juntoli jamoani tark etishdi.
Bu esa jamoaga salbiy ta’sir qildi. "Napoli" o‘tgan yilgi natijasidan 22 ochko kam to‘playapti - bu dahshatli natija.
Muxlislar g‘azabda", - deya Kannavarodan iqtibos keltiradi Tuttosport.
Eslatib o‘tamiz, Neapol klubi Italiyaning amaldagi chempioni hisoblanadi. Hozirgi A Seriyada "Napoli" juda yomon o‘yin ko‘rsatmoqda.
19 tur natijasiga ko‘ra, jamoa 28 ochko jamg‘arib, turnir jadvalida atigi 9-o‘rinni egallab turibdi.
