"Inter" futbolchisi Stefano Sensining "Lester" tarkibiga kirishi uchun to‘siqlar tobora kamayib bormoqda.

Avvalroq, Sensining o‘zi "tulkilar" safiga o‘tish istagini bildirgan edi, endi esa "Lester" bosh murabbiyi Enso Mareska Sensini uning jamoasi uchun ustuvor maqsad ekanligini ta’kidladi. Bu haqda Insayder Fabrisio Romano ijtimoiy tarmoqlarda yozmoqda.

Eslatib o‘tamiz, "Lester" bu mavsumda chempionlikni qo‘lga kiritib, yana Premyer-ligaga qaytishi mumkin.

Endilikda "tulkilar"ning g‘aznasida 65 ochko bor, ikkinchi o‘rindagi "Ipsvich" esa bor-yo‘g‘i 55 ochkoga ega.

"Lester" uchinchi o‘rindan 13 ochkoga oldinda. “Lester” bilan birga APLdan tushib ketgan “Sautgempton” uchinchi o‘rinda.