Londonning "Tottenxem" klubida to‘p tepayotgan xorvatiyalik yarim himoyachi Ivan Perishich qishki transfer oynasida klubi ro‘yxatini o‘zgartirishi mumkin.
Insayder Fabrisio Romanoning so‘zlariga ko‘ra, Xorvatiyaning "Xayduk" jamoasi o‘z tarbiyalanuvchisini qaytarmoqchi. Split klubi futbolchini yanvardagi transfer oynasida qo‘lga kiritishga harakat qiladi. Perishich tizzasidan olgan jarohati tufayli hozirda davolanmoqda.
Yarim himoyachi joriy Angliya chempionatida atigi beshta o‘yin o‘tkazdi. Xorvatiyalikning "shporlar" bilan shartnomasi 2024 yilning iyun oyi oxirigacha amal qiladi va uning narxi 4 million yevroni tashkil qiladi.