"Manchester Yunayted"ning sobiq himoyachisi, hozirda ekspert bo‘lib ishlayotgan Gari Nevill futbolchilarni Manchester klubiga taklif qilishda ularga eng yaxshi maslahatlarni bermaganini tan oldi.
"Men futbolchilar “Manchester Yunayted”ga kelishidan oldin ular bilan gaplashdim va aytdim: “Hech qachon afsuslanmaysiz, bu sehrli futbol klubi”. O‘tmishga nazar tashlaydigan bo‘lsak, bu juda yomon maslahat bo‘lgan", - dedi Nevill Mirror bilan suhbatda.
Angliya Premyer-ligasining joriy mavsumida 21-turdan keyin “Manchester Yunayted” 32 ochko bilan turnir jadvalida 7-o‘rinda bormoqda. “Liverpul” peshqadam (45 ochko). Ichki chempionatning navbatdagi uchrashuvida Erik ten Xag shogirdlari safarda “Vulverxempton”ga qarshi maydonga tushadi. O‘yin 1 fevral kuni bo‘lib o‘tadi.
