"Манчестер Юнайтед"нинг собиқ ҳимоячиси, ҳозирда эксперт бўлиб ишлаётган Гари Невилл футболчиларни Манчестер клубига таклиф қилишда уларга энг яхши маслаҳатларни бермаганини тан олди.

"Мен футболчилар “Манчестер Юнайтед”га келишидан олдин улар билан гаплашдим ва айтдим: “Ҳеч қачон афсусланмайсиз, бу сеҳрли футбол клуби”. Ўтмишга назар ташлайдиган бўлсак, бу жуда ёмон маслаҳат бўлган", - деди Невилл Mirror билан суҳбатда.

Англия Премьер-лигасининг жорий мавсумида 21-турдан кейин “Манчестер Юнайтед” 32 очко билан турнир жадвалида 7-ўринда бормоқда. “Ливерпуль” пешқадам (45 очко). Ички чемпионатнинг навбатдаги учрашувида Эрик тен Хаг шогирдлари сафарда “Вулверхэмптон”га қарши майдонга тушади. Ўйин 1 февраль куни бўлиб ўтади.