Italiyaning “Bolonya” klubi hujumchisi Joshua Zirkzee faoliyatini Angliya chempionatining top-klubida davom ettirishi mumkin. Ijtimoiy tarmoqlarda insayder Florian Plettenberg xabariga ko‘ra, "Manchester Yunayted" futbolchini sotib olishga qiziqish bildirmoqda.

Mankunianliklar rahbariyati Italiya tomoni bilan ehtimoliy kelishuv bo‘yicha dastlabki muzokaralarni o‘tkazdi. “Qizil iblislar” yozgi transfer oynasida Joshuani sotib olishni rejalashtirmoqda. Zirkzeening tovon puli 40 million yevro.

Joriy mavsumda hujumchi “Bolonya” safida 22 ta o‘yin o‘tkazib, 8 ta gol va 4 ta golli uzatmaga mualliflik qilgan.