Италиянинг “Болонья” клуби ҳужумчиси Жошуа Зиркзее фаолиятини Англия чемпионатининг топ-клубида давом эттириши мумкин. Ижтимоий тармоқларда инсайдер Флориан Плеттенберг хабарига кўра, "Манчестер Юнайтед" футболчини сотиб олишга қизиқиш билдирмоқда.

Манкунианликлар раҳбарияти Италия томони билан эҳтимолий келишув бўйича дастлабки музокараларни ўтказди. “Қизил иблислар” ёзги трансфер ойнасида Жошуани сотиб олишни режалаштирмоқда. Зиркзеенинг товон пули 40 миллион евро.

Жорий мавсумда ҳужумчи “Болонья” сафида 22 та ўйин ўтказиб, 8 та гол ва 4 та голли узатмага муаллифлик қилган.