Kataloniyaning "Barselona" klubi hozirdanoq bosh murabbiy Xavi Ernandesning o‘rniga nomzodlarni ko‘rib chiqmoqda.
Jurnalist Adrian Sanchesning ma’lumotlariga ko‘ra, "Barselona" rahbariyatiga klubning sobiq futbolchisi, hozirda A Seriyada "Bolonya"ni boshqarayotgan Tiago Motta yoqadi.
Italiya jamoasi chempionatda yettinchi o‘rinda, ammo Chempionlar Ligasi zonasidan ikki ochko ortda qolmoqda. Motta 1999 yildan 2007 yilgacha "Barselona"da o‘ynagan va jamoa safida barcha musobaqalarda 147 ta o‘yinda maydonga tushgan. "Bolonya" ustoziga Italiyaning boshqa bir qator klublari ham qiziqish bildirmoqda.
