Каталониянинг "Барселона" клуби ҳозирданоқ бош мураббий Хави Эрнандеснинг ўрнига номзодларни кўриб чиқмоқда.
Журналист Адриан Санчеснинг маълумотларига кўра, "Барселона" раҳбариятига клубнинг собиқ футболчиси, ҳозирда А Серияда "Болонья"ни бошқараётган Тиаго Мотта ёқади.
Италия жамоаси чемпионатда еттинчи ўринда, аммо Чемпионлар Лигаси зонасидан икки очко ортда қолмоқда. Мотта 1999 йилдан 2007 йилгача "Барселона"да ўйнаган ва жамоа сафида барча мусобақаларда 147 та ўйинда майдонга тушган. "Болонья" устозига Италиянинг бошқа бир қатор клублари ҳам қизиқиш билдирмоқда.
