"Real Madrid" yaqinda Ispaniya Superkubogini qo‘lga kiritdi.
Kubok uchun kechgan hal qiluvchi bahsda Karlo Anchelotti shogirdlari “Barselona”ni 4:1 hisobida mag‘lub etishdi.
Ushbu muvaffaqiyatga qaramay, "los-blankos" murabbiyi o‘yinchilardan shikoyat qildi - hattoki xet-trik qayd etgan Vinisius Juniordan ham.
“Men tovon bilan o‘ynashni yoqtirmayman. Vinisius va Bellingem buni qilishdi. Buni qilish shart emas edi", - dedi Anchelotti.
"Real Madrid" ustozi bu kabi xatti-harakatlar "Barselona" futbolchilarini g‘azablantirganini aytdi.
Eslatib o‘tamiz, “Real” navbatdagi o‘yinini 18 yanvar kuni – Ispaniya kubogi 1/8 finalida “Atletiko”ga qarshi o‘tkazadi.
