"Реал Мадрид" яқинда Испания Суперкубогини қўлга киритди.
Кубок учун кечган ҳал қилувчи баҳсда Карло Aнчелотти шогирдлари “Барселона”ни 4:1 ҳисобида мағлуб этишди.
Ушбу муваффақиятга қарамай, "лос-бланкос" мураббийи ўйинчилардан шикоят қилди - ҳаттоки хет-трик қайд этган Винисиус Жуниордан ҳам.
“Мен товон билан ўйнашни ёқтирмайман. Винисиус ва Беллингем буни қилишди. Буни қилиш шарт эмас эди", - деди Aнчелотти.
"Реал Мадрид" устози бу каби хатти-ҳаракатлар "Барселона" футболчиларини ғазаблантирганини айтди.
Эслатиб ўтамиз, “Реал” навбатдаги ўйинини 18 январь куни – Испания кубоги 1/8 финалида “Aтлетико”га қарши ўтказади.
