"Manchester Yunayted" va Angliya terma jamoasining sobiq yarim himoyachisi Jessi Lingard "Barselona"ga o‘tishi mumkin. Bu haqda ESPN Deportes xabar bermoqda.
Manba bergan xabarga ko‘ra, hozirda jamoasiz qolgan 31 yoshli yarim himoyachi "Barselona"ga o‘z xizmatlarini shaxsan o‘zi taklif qilgan. Bundan biroz oldin ingliz o‘z manfaatlarini himoya qiluvchi barcha agentlarni ishdan bo‘shatdi.
Lingardning so‘nggi klubi "Nottingem Forest" edi. O‘tgan mavsumda yarim himoyachi "o‘rmonchilar" safida barcha turnirlarda 20 ta o‘yin o‘tkazib, ikkita gol va ikkita golli uzatmaga mualliflik qilgan.