Fransiyaning «PSJ» klubi rahbariyati hujumchi Kilian Mbappening ketishiga tayyor.

Bu haqda insayder Abdella Boulma ijtimoiy tarmoqlar orqali xabar berdi. Jurnalistning so‘zlariga ko‘ra, Mbappe haligacha parijliklarga ketish niyati haqida rasman xabardor qilmagan. Biroq, klub rahbarlari bunga tayyor.

25 yoshli futbolchining faoliyatini davom ettirishi uchun asosiy variantlar - "Real" va "Liverpul".

Joriy mavsumda Mbappe "PSJ" safida 25 ta o‘yinda ishtirok etdi. Hujumchi 26 ta gol va 3 ta golli uzatmani amalga oshirdi.

Tomonlar o‘rtasidagi amaldagi shartnoma muddati 2024 yilning iyun oyi oxirigacha hisoblangan.