PSVda ijara asosida o‘ynayotgan "Barselona" himoyachisi Serjinyo Dest Kataloniya klubiga qaytish shartlari haqida gapirdi.
"Menimcha, "Barselona", PSV va menda muhokama qiladigan narsa bor, ammo hozircha bu haqda gapirishga erta", dedi Dest VoetbalZone'ga.
Destning so‘zlariga ko‘ra, u Xavi boshqarayotgan vaqtda "Barselona"ga qaytmaydi.
“Faqat u yerdagi vaziyat o‘zgarsa. Xavi hali ham o‘sha yerda. Demak, hozircha, qaytmayman, bu juda qiyin bo‘ladi”, — deya qo‘shimcha qildi Dest.
23 yoshli amerikalik futbolchi 2020 yilda "Ayaks"dan "Barselona"ga o‘tgan edi. U kataloniyaliklar safida 72 ta o‘yin o‘tkazib, 3 ta gol urdi va 4 ta golli uzatmani amalga oshirdi.
