Madridning “Atletiko” klubi markaziy himoyachisi Chaglar Syoyundju tez orada klubini o‘zgartiradi.
"Matraschilar" "Portu"ning 27 yoshli futbolchi bo‘yicha taklifiga rozi bo‘lishdi, ammo "Fenerbaxche" va "Borussiya Dortmund" poygadan chiqmayapti - ikkala klub ham "Atletiko" bilan muzokaralarni davom ettirmoqda va Madrid bilan kelishuvga yaqinlashmoqda, deya xabar beradi insayder Matteo Moretto. Manbaga ko‘ra, turk har holda qayergadir o‘tishni amalga oshiradi va aynan qayergaligi kelasi hafta boshida aniq bo‘ladi.
Chaglar joriy mavsum boshlanishidan oldin "Lester"dan "Atletiko"ga o‘tdi. Transfermarkt ekspertlari futbolchining narxini 12 million yevroga baholamoqda.