Ispaniya chempionatining 21-turi doirasida "Real" va "Barselona" so‘nggi daqiqalarda urilgan gol evaziga g‘alabaga erishgan bo‘lsa, "Jirona" yirik hisobda raqibini taslim etdi. Raqib esa — «Sevilya».

Uchrashuvda hisobni mehmonlar 10-daqiqada ochishdi. Gol muallifi — Isaak Romero. Shundan so‘ng mezbonlik hujumchisi Artyom Dovbik 13-19-daqiqalar orasida 3 ta gol urib, xet-trikni rasmiylashtirdi.

56-daqiqada Viktor Sigankov, 89-daqiqada esa Kristian Stuani hisobni o‘ta yirik ko‘rinishga keltirib qo‘yishdi.

«Jirona» ushbu g‘alabadan 52 ochko bilan yana peshqadamga aylandi. 51 ochko to‘plagan «Real» hisobida bitta zaxira o‘yini bor.

"Sevilya" esa 16 ochko bilan 17-pog‘onani band etib turibdi.

Ispaniya La ligasi, 21-tur
Jirona – Sevilya 5:1 (3:1, 2:0)
Gollar: 0:1 – 10 Romero, 1:1 – 13 Dovbik, 2:1 – 15 Dovbik, 3:1 – 19 Dovbik, 4:1 – 56 Sigankov, 5:1 – 89 Stuani.
Jirona – Gassaniga, Yan Kouto, Blind, Xuanpe (Yakobishvili, 30), Migel Gutyerres, Errera (Solis, 66), Martin, Sigankov (Fernandes, 66), Portu, Dovbik (Stuani, 73), Savio (Torre, 73).
Sevilya – Dmitrovich, Navas, Ramos, Nyanzu, Bade (Markao Teysheyra, 46), Pedrosa, Suso (Mejbri, 62), Jordan, Sou (Agume, 77), Okampos (Mariano Dias, 77), Romero (Lamela, 62).
Ogohlantirishlar: Sou (61), Mejbri (63).