Misr terma jamoasining sobiq futbolchisi Ahmad Hasan terma jamoa hujumchisi Muhammad Salohning jarohatdan so‘ng "Liverpul"ga qaytish qarori haqida gapirdi.
Mutaxassisning fikricha, Misr terma jamoasi sardori hisoblangan Saloh ayni damda Afrika kubogida ishtirok etayotgan terma jamoada qolishi kerak edi.
"Salohda "Liverpul" tibbiyot bo‘limidan kimnidir taklif qilish imkoni bo‘ldi. U nima bo‘lishidan qat’iy nazar, hatto bir oyog‘ida tursa ham, jamoada qolishi kerak edi", - deya Hasanning so‘zlarini keltirmoqda Daily Mail.
Oldinroq Salohning agenti mijozining 3-4 haftaga safdan chiqishini aytgandi. 31 yoshli vinger joriy mavsum “Liverpul” safida 27 ta o‘yinda maydonga tushib, 18 ta gol urdi va 9 ta golli uzatmani amalga oshirdi.
