Миср терма жамоасининг собиқ футболчиси Aҳмад Ҳасан терма жамоа ҳужумчиси Муҳаммад Салоҳнинг жароҳатдан сўнг "Ливерпул"га қайтиш қарори ҳақида гапирди.
Мутахассиснинг фикрича, Миср терма жамоаси сардори ҳисобланган Салоҳ айни дамда Aфрика кубогида иштирок этаётган терма жамоада қолиши керак эди.
"Салоҳда "Ливерпуль" тиббиёт бўлимидан кимнидир таклиф қилиш имкони бўлди. У нима бўлишидан қатъий назар, ҳатто бир оёғида турса ҳам, жамоада қолиши керак эди", - дея Ҳасаннинг сўзларини келтирмоқда Daily Mail.
Олдинроқ Салоҳнинг агенти мижозининг 3-4 ҳафтага сафдан чиқишини айтганди. 31 ёшли вингер жорий мавсум “Ливерпуль” сафида 27 та ўйинда майдонга тушиб, 18 та гол урди ва 9 та голли узатмани амалга оширди.