"E" guruhida 3-tur o‘yinlari qiziq bo‘ldi. Ya’ni jamoalar guruh g‘olibi bo‘lishni istamagandek harakat qildi.
Janubiy Koreya bilan jangovar o‘yin namoyish etgan Iordaniya Bahraynga yutqazib, guruhda 3-o‘rinni egalladi.
Malayziya ustidan osongina g‘alaba qozonishi kutilgan Janubiy Koreya o‘yin davomida hisobda ortda bordi (1:2). 83-daqiqada esa Li Kang-In jarima zarbasidan chiroyli gol urdi va hisobni tenglashtirdi.
Koreyaga mag‘lubiyat yarashmasdi, ammo ularni durang ham qanoatlantirardi. Ammo 90+4-daqiqada VAR Malayziya darvozasiga penalti belgiladi. Son Xyong Min vaziyatni golga aylantirdi (hamma qarab turganida gol urmaslik g‘alati edi-da!).
Ammo, lekin, biroq... ikkinchi taymga qo‘shib berilgan 15-daqiqada malayziyalik Morales tomonidan 16 metrlardan yo‘llangan kuchsiz zarbani Janubiy Koreya posboni o‘tkazib yubordi (bemalol qaytarsa bo‘lardi) — 3:3.
Natijada "F" guruhida Bahrayn birinchi, Janubiy Koreya esa 2-o‘rinni egalladi. Oqibatda 1/8 finalda Yaponiyaga Bahrayn to‘qnash kelsa, koreyaliklar qo‘shnisidan qochib qolib, "F" guruhi g‘olibiga qarshi maydonga chiqadigan bo‘ldi.
Guruhda uchinchi bo‘lgan Iordaniya esa Qatar yoki Iroq bilan to‘qnash keladi.
"E" guruhi, 3-tur
Janubiy Koreya – Malayziya - 3:3 (1:0)
Gollar: Joyeng Vu Yeong (22), Li Kang-In (83), Son Xyong Min (90+4-penalti) — Faysal Halim (52), Orif Ayman (62-penalti), Morales (90+14)
Iordaniya – Bahrayn 0:1 (0:1, 0:0)
Gol: 0:1 – 34 Yusuf.
| № | Jamoa | O‘yin | G‘alaba | Durang | Mag‘-t | T-N | Ochko | |
|---|---|---|---|---|---|---|---|---|
| 1 |  |
Bahrayn | 3 | 2 | 0 | 1 | 3-3 | 6 |
| 2 |  |
Janubiy Koreya | 3 | 1 | 2 | 0 | 8-6 | 5 |
| 3 |  |
Iordaniya | 3 | 1 | 1 | 1 | 6-3 | 4 |
| 4 |  |
Malayziya | 3 | 0 | 1 | 2 | 3-8 | 1 |
