"Е" гуруҳида 3-тур ўйинлари қизиқ бўлди. Яъни жамоалар гуруҳ ғолиби бўлишни истамагандек ҳаракат қилди.
Жанубий Корея билан жанговар ўйин намойиш этган Иордания Баҳрайнга ютқазиб, гуруҳда 3-ўринни эгаллади.
Малайзия устидан осонгина ғалаба қозониши кутилган Жанубий Корея ўйин давомида ҳисобда ортда борди (1:2). 83-дақиқада эса Ли Канг-Ин жарима зарбасидан чиройли гол урди ва ҳисобни тенглаштирди.
Кореяга мағлубият ярашмасди, аммо уларни дуранг ҳам қаноатлантирарди. Аммо 90+4-дақиқада ВАР Малайзия дарвозасига пенальти белгилади. Сон Хёнг Мин вазиятни голга айлантирди (ҳамма қараб турганида гол урмаслик ғалати эди-да!).
Аммо, лекин, бироқ... иккинчи таймга қўшиб берилган 15-дақиқада малайзиялик Моралес томонидан 16 метрлардан йўлланган кучсиз зарбани Жанубий Корея посбони ўтказиб юборди (бемалол қайтарса бўларди) — 3:3.
Натижада "F" гуруҳида Баҳрайн биринчи, Жанубий Корея эса 2-ўринни эгаллади. Оқибатда 1/8 финалда Японияга Баҳрайн тўқнаш келса, кореяликлар қўшнисидан қочиб қолиб, "F" гуруҳи ғолибига қарши майдонга чиқадиган бўлди.
Гуруҳда учинчи бўлган Иордания эса Қатар ёки Ироқ билан тўқнаш келади.
"E" гуруҳи, 3-тур
Жанубий Корея – Малайзия - 3:3 (1:0)
Голлар: Жоенг Ву Йеонг (22), Ли Канг-Ин (83), Сон Хёнг Мин (90+4-пенальти) — Файсал Ҳалим (52), Ориф Айман (62-пенальти), Моралес (90+14)
Иордания – Баҳрайн 0:1 (0:1, 0:0)
Гол: 0:1 – 34 Юсуф.
| № | Жамоа | Ўйин | Ғалаба | Дуранг | Мағ-т | Т-Н | Очко | |
|---|---|---|---|---|---|---|---|---|
| 1 |  |
Баҳрайн | 3 | 2 | 0 | 1 | 3-3 | 6 |
| 2 |  |
Жанубий Корея | 3 | 1 | 2 | 0 | 8-6 | 5 |
| 3 |  |
Иордания | 3 | 1 | 1 | 1 | 6-3 | 4 |
| 4 |  |
Малайзия | 3 | 0 | 1 | 2 | 3-8 | 1 |
