"Lasio"ning sobiq sport direktori Igli Tare Sergey Milinkovich-Savichning Yevropa gigantlaridan biriga muvaffaqiyatsiz transferini esladi.
Serbiyalik yarim himoyachi ko‘p yillar davomida turli top-klublarning nishoni hisoblanib kelgan. 2023 yilning yozida futbolchi Saudiya Arabistonining “Al-Hilol” klubiga 40 million yevro evaziga o‘tgan edi.
"Milinkovich-Savich haqida, jumladan, erkin agent sifatida ketish va "Lasio"da qolishni istamasligi haqida ko‘p yolg‘on gapirildi.
Yagona haqiqat shuki, klub prezidenti Klaudio Lotito “Milan” va “Manchester Yunayted” 100 million yevrodan ko‘proq pul taklif qilganida uni sotishdan bosh tortgan.
Lotito murabbiyga va’da berganidek, jamoaning raqobatbardoshligini saqlab qolmoqchi edi. Shuni unutmangki, pandemiya mavsumida "Lasio" Skudettoga juda yaqin edi", - deya Tarening so‘zlarini keltiradi Football Italia.
