«Nasaf» kecha Turkiyadagi yig‘in doirasida ikkita nazorat uchrashuvida maydonga tushdi.
Dastlab ertalabki bellashuvda jamoa yana bir Braziliya klubi bilan bellashdi. «Maua» jamoasiga qarshi kechgan bellashuvda vakillarimiz 2:1 hisobida g‘alaba qozonishdi. Kunning ikkinchi yarmida jamoamiz Serbiyaning «Radnik» jamoasi bilan bellashdi. Ushbu bellashuvda hisob ochilmadi.
Antaliyadagi o‘quv-mashg‘ulot yig‘ini doirasida «Nasaf» o‘nta nazorat uchrashuvida maydonga tushdi. Kechagi o‘yinlar bilan Antaliyadagi mashg‘ulotlar o‘z yakuniga yetdi. «Nasaf» bugun Antaliya-Toshkent yo‘nalishi bo‘yicha O‘zbekistonga qaytadi.
Jamoa 4 fevral kuni Qarshidagi qarorgohida yig‘ilib, mavsumga tayyorgarlikni davom ettirishadi.
«Nasaf» futbol klubi matbuot xizmati
