«Насаф» кеча Туркиядаги йиғин доирасида иккита назорат учрашувида майдонга тушди.

Дастлаб эрталабки беллашувда жамоа яна бир Бразилия клуби билан беллашди. «Мауа» жамоасига қарши кечган беллашувда вакилларимиз 2:1 ҳисобида ғалаба қозонишди. Куннинг иккинчи ярмида жамоамиз Сербиянинг «Радник» жамоаси билан беллашди. Ушбу беллашувда ҳисоб очилмади.

Анталиядаги ўқув-машғулот йиғини доирасида «Насаф»  ўнта назорат учрашувида майдонга тушди. Кечаги ўйинлар билан Анталиядаги машғулотлар ўз якунига етди. «Насаф» бугун Анталия-Тошкент йўналиши бўйича Ўзбекистонга қайтади.

Жамоа 4 февраль куни Қаршидаги қароргоҳида йиғилиб, мавсумга тайёргарликни давом эттиришади.

«Насаф» футбол клуби матбуот хизмати