SSKA va O‘zbekiston milliy terma jamoasi yarim himoyachisi Abbosbek Fayzullayevning birinchi murabbiyi Dmitriy An 20 yoshli futbolchining terma jamoadagi o‘yini unga Yevropa klublari e’tiborini jalb qilishiga yordam berishiga umid bildirdi.
Eslatib o‘tamiz, ayni damda davom etayotgan Osiyo Kubogida Fayzullayev beshta o‘yin o‘tkazib, ikkita gol urgan. Eslatib o‘tamiz, O‘zbekiston terma jamoasi chorak finalda Qatarga imkoniyatni boy berib (1:1, 2:3 – pen) o‘z ishtirokini yakunladi.
“Abbosbek O‘zbekiston terma jamoasi yetakchisi ekanidan juda xursandman. Umid qilamanki, Yevropaning yirik klublari skautlari Abbosning o‘yinini yuqori baholadilar. Uni o‘z klublariga taklif qilishlarini istardim", - deya murabbiyning so‘zlarini keltiradi «Chempionat».
Joriy mavsumda Fayzullayev SSKA safida 18 ta o‘yin o‘tkazib, 2 ta gol urdi va 9 ta golli uzatmani amalga oshirdi. O‘zbekistonlik futbolchi 2023 yilning yozidan buyon “armiyachilar” sharafini himoya qilib kelmoqda.
