Kilian Mbappening kelajagi futbol olamining asosiy mavzularidan biri bo‘lib qolmoqda. Mish-mishlarga ko‘ra, mavsum oxirida 25 yoshli fransiyalik futbolchi klubini o‘zgartirib, "PSJ"dan "Real"ga o‘tadi.
TalkSPORT xabar berishicha, Mbappe kelasi yozda "Real"ga o‘tsa, taxminan 150 million yevro oladi. Gap shartnoma imzolash bonusi haqida ketyapti, chunki fransiyalik futbolchi Madridga erkin agent sifatida o‘tadi.
Joriy mavsumda Kilian Mbappe 28 ta rasmiy o‘yinda maydonga tushdi. Ularda fransiyalik futbolchi sheriklari safida 29 ta gol va 7 ta golli uzatmani amalga oshirdi.
