Parijliklar bosh murabbiyi jamoaning joriy mavsumdagi yutuqlari haqida gapirdi. Ispaniyalik o‘tgan yozda Parij grandining bosh lavozimini egallagandi. 20-turdan so‘ng “PSJ” Fransiya chempionati turnir jadvalida “Nissa”dan 8 ochko oldinda bormoqda.
“Men qaysi yo‘nalishda harakat qilayotganimiz, nimani ko‘rmoqchimiz, nimani qidirayotganimiz haqida ko‘p o‘ylayman. Albatta, biz ustida ishlashimiz kerak bo‘lgan ishlar ko‘p, ammo nimaga erishishimizni vaqt ko‘rsatadi. Chempionatda “Nissa”, “Monako”, “Brest”, “Lans” kabi kuchli raqiblardan oldindamiz. Liga 1 men kutganimdan ham qiyinroq bo‘ldi. Rivojlanayotganimizdan xursandman, lekin bundan ham yaxshiroq bo‘lib qolishimizni istayman", - deya Enrike so‘zlarini keltiradi GFFN.
