Fransiya terma jamoasining sobiq futbolchisi Emmanuel Peti navbatdagi muvaffaqiyatsizlikdan so‘ng “Chelsi” bosh murabbiyi Maurisio Pochettinoni tanqid qildi. Yaqinda APL doirasida bo‘lib o‘tgan o‘yinda “ko‘klar” “Vulverxempton”dan 2:4 hisobida mag‘lub bo‘ldi.
"Chelsi"ning o‘yinidan juda xafa bo‘ldim. Jamoadagi vaziyat butunlay chigal, o‘yin borasida tashkilotchilik yo‘q. Oxirgi o‘yinda jamoaviy ruh yoki futbolchilar o‘rtasida o‘zaro munosabatlar kuzatilmadi. Jamoa muxlislariga achinaman. Pochettino allaqachon ketishga tayyordek ishlayapti", - deya Emmanuelning so‘zlarini keltiradi Metro.
Angliya chempionatining 23-turi natijalariga ko‘ra, "Chelsi" 31 ochko bilan turnir jadvalida 11-o‘rinda bormoqda.
