Франция терма жамоасининг собиқ футболчиси Эммануэль Пети навбатдаги муваффақиятсизликдан сўнг “Челси” бош мураббийи Маурисио Почеттинони танқид қилди. Яқинда АПЛ доирасида бўлиб ўтган ўйинда “кўклар” “Вулверхэмптон”дан 2:4 ҳисобида мағлуб бўлди.
"Челси"нинг ўйинидан жуда хафа бўлдим. Жамоадаги вазият бутунлай чигал, ўйин борасида ташкилотчилик йўқ. Охирги ўйинда жамоавий руҳ ёки футболчилар ўртасида ўзаро муносабатлар кузатилмади. Жамоа мухлисларига ачинаман. Почеттино аллақачон кетишга тайёрдек ишлаяпти", - дея Эммануэлнинг сўзларини келтиради Metro.
Англия чемпионатининг 23-тури натижаларига кўра, "Челси" 31 очко билан турнир жадвалида 11-ўринда бормоқда.
