"Real Madrid" "Jirona"ga qarshi Ispaniya chempionatining muhim uy uchrashuviga tayyorgarlik ko‘rmoqda. G‘alaba qozongan taqdirda, Karlo Anchelotti shogirdlari eng yaqin ta’qibchisidan ochkolari sonini beshtaga oshiradi.
"Real Madrid" hozirda markaziy himoyachi pozisiyasida muammolarga duch kelmoqda. Eder Militao va David Alaba og‘ir jarohatlar bilan uzoq vaqtga safdan chiqishgan. Boshqa futbolchilarda ham muammolar bor: chorshanba kuni Antonio Ryudiger individual dastur bo‘yicha mashg‘ulot o‘tkazdi, Nacho esa trenajyor zalida ishladi. Shu tariqa, "Los-Blankos" markaziy himoyachilaridan hech biri umumiy guruhda mashg‘ulot o‘tkazmadi.
Jurnalist Arancha Rodriges ham Vinisius Junior Nacho kabi yopiq zalda mashg‘ulot o‘tkazganini ta’kidlaydi.
