O‘tgan yil oxirida Yevropa sudi UYEFA bilan bahsda Superliga tarafini oldi.

Sud qaroriga ko‘ra, UYEFA Yevropada futbol turnirlarini tashkil etishda monopoliyaga ega bo‘la olmaydi.

Bu qaror Superliga ijodkorlarini ruhlantirdi, ammo o‘shandan beri jiddiy o‘sish kuzatilmadi, chunki klublar bu turnirda o‘ynashni istamayapti.

Loyiha hozircha faqat "Real Madrid" va "Barselona" tomonidan qo‘llab-quvvatlanmoqda.

AS xabariga ko‘ra, Superliga ayni damda UYEFAga nisbatan aql bovar qilmas 3,5 milliard yevrolik da’vo tayyorlamoqda.

Superliganing fikricha, UYEFAning xatti-harakati loyihani ishga tushirishni kechiktirdi, natijada moliyaviy daromadlar yo‘qoldi.

Superliga zarar uchun tovon puli talab qilmoqda va uni 3,5 milliardga baholamoqda.