Leverkuzenning "Bayer" klubi yarim himoyachisi Florian Virs golli uzatma berish bo‘yicha Yevropaning top-5 chempionatlarida eng yaxshi futbolchi bo‘ldi.

Opta xabariga ko‘ra, germaniyalik yarim himoyachi 15 ta golli uzatma bilan eng yaxshi assistentlar ro‘yxatida birinchi o‘rinni egallab turibdi.

Reytingdan keyingi o‘rinlarda Leroy Sane (“Bavariya”) va Bukayo Saka (“Arsenal”) joylashdi, ularning har biri 12tadan golli uzatmaga ega.

Darvin Nunyes (“Liverpul”) va Paskal Gross (“Brayton”) 11tadan golli uzatmani amalga oshirgan.