"Liverpul" yarim himoyachisi Tyago Alkantara uzoq vaqt davomida jarohatidan davolangan edi. O‘tgan dam olish kunlari ispaniyalik futbolchi joriy mavsumda ilk bor futbol maydoniga chiqib, Angliya Premyer-ligasi doirasida "Arsenal"ga qarshi o‘yin yakunida Jo Gomesning o‘rniga maydonga tushdi.
The Times nashrining yozishicha, Tyago yana jarohat olgan - uning mushaklari shikastlangan. Shu tariqa, 32 yoshli futbolchi yana biroz vaqtni maydon tashqarisida o‘tkazadi.
Eslatib o‘tamiz, Tyagoning “Liverpul” bilan amaldagi shartnomasi joriy mavsum oxirigacha amal qiladi. Transfermarkt portali ekspertlari yarim himoyachini 10 million yevroga baholamoqda.
