"Ливерпуль" ярим ҳимоячиси Тьяго Алькантара узоқ вақт давомида жароҳатидан даволанган эди. Ўтган дам олиш кунлари испаниялик футболчи жорий мавсумда илк бор футбол майдонига чиқиб, Англия Премьер-лигаси доирасида "Арсенал"га қарши ўйин якунида Жо Гомеснинг ўрнига майдонга тушди.
The Times нашрининг ёзишича, Тьяго яна жароҳат олган - унинг мушаклари шикастланган. Шу тариқа, 32 ёшли футболчи яна бироз вақтни майдон ташқарисида ўтказади.
Эслатиб ўтамиз, Тьягонинг “Ливерпуль” билан амалдаги шартномаси жорий мавсум охиригача амал қилади. Transfermarkt портали экспертлари ярим ҳимоячини 10 миллион еврога баҳоламоқда.
